مومن انا عقيدتي دين الاسلام
نورٍ ينير الدرب طيلة حياتي
أسلك طريق الخير وامشي لقدام
واتجنب اللي مايناسب صفاتي
كل ما أواجه من صعوبات وآلام
يزداد إيماني وقوّة ثباتي
لله أنا عبدٍ وللناس خدام
وحب التسامح والتواضع سماتي
عزي بديني دايما رافع الهام
ماينحني رأسي سوى في صلاتي
أكره دعاة الكُفر واصحاب الاجرام
وآحارب اللي ينتقدني في ذاتي
مسلم انا لي دارت الحرب مقدام
أما الشهاده أو لي النصر يأتي
دايم كتاب الله لي مصدر الهام
وهوالسبيل اللي يحقق نجاتي
منه اعتمد منهج حياتي والاحكام
واعرف خبر ماراح واللي بيأتي
آعيش ع التقوى بعيدٍ مالآثام
واوصي بها نفسي ولغيري وصاتي
حب العقيدة راسخٍ طول الايام
فيني ومتمسك بها لي مماتي