مشـيت يا ناس كتير* ومشى كله ضلال
وعملـت الذنب الكبير * ورجوعى كان محال
للخطايا بقيت اسير * والسوء من الاعمال
عــن واجبى انا ضرير * وحياتى رمز الضلال
فجــأة شفت نور * كأنه بدر بـدور
شفته جـريت عليـه * عديـت جبال وبحور
رمانى بسهم صابنى * قتل فيه الشرور
زود فـيه الايمان * ودمع من العين يثور
سامحنى يارب واغفر * انى كنت كفور
للخطـايا كنت بشيل* عنى يا رب زيل
فى الضلال كنت تايه * جايلك بصلى ذليل
رد اليـه الروح * ذات الطيب العليل
علمها حـب الخير * وعنك تانى لا تميل
جتلك يا رب دامع * ولقلبى انت سامع
تشهد روحى وكيانى * انى اليك راجـع
عرفت يـا رب دربك * لنفسى هقاتل وأصارع
مهما تكـون غوية * عنى ما تكون قوية
لوحدى انا ضعيف * وقوى بحبك ليه
وان مشيت فى غير طريقك * الكتاب قدام عنيه
المفضلات