تعالوا معاي شوفوا الخطوات السهلة وانشالله تطبقونها

المقادير:-

(*) بسكويت أصابع رينجو
(*) ملعقة متوسطة كاكاو بودرة
(*) علبة حليب نستله محلى كبيرة
(*) كيك أمريكانا بالشوكولاته
(*) كيك أمريكانا بالفانيلا
(*) ظرف دريم ويب
(*) علبة قشطة
(*) 4 أصابع شوكولاتة سنيكرز
(*) 9 حبات جبن كيري
(*) لون طعام أزرق
(*) بسكويت شاي مطحون للوجه انا استخدمت بتي بور

وهذي صورة المقادير بس كيكة سويسرول الفانيلا مو واضحة بالصورة من العجلة بتشوفون بلاوي طوفوها



في صينية الجيز كيك يعني الصينية اللي تفتح من الجوانب وتسكر جيد وتقطع كيك الكاكاو ويرص بالصينية كطبقة اولى وبنفس الوقت حاول ترص اصابع البسكوت عالاطراف لان شوي صعبة يوقفون احط وحدة تطيح لاثانية الله يعينكم على هالخطوة لم يصير بهالشكل





المفروض ان يوضع السنيكرز بحمام مائي كي يذوب بس انا حطيته بالميكروويف عاد انت اختار ..وبعدها يوضع السنيكرز مع 3 جبن
كيري ومع القشطة مع ملعقة كاكاو بودرة

بالخلاط الكهربائي ويخلط جيد بعدها يصب فوق طبقة الكيك وحطيه بالفريزر لمدة 10
دقايق لين يتماسك ويعمل الخلطة الثانيه




بعد ما تتماسك الخلطة دقايق بالفريزر تطلع وتقطع كيك الفانيلا ويرص كطبقة ثالثة مثل الصوورة



الحين بالخلاط حليب النستله + الدريم ويب + 6 حبات جبن كيري يخلط جيد يصب نص الخلطة على جانب واحد بس من الكيكة
مثل الصووورة





وباقي الخلطة يضاف عليهاقليل من اللون الازرق وترجع تخلط مرة ثانية بالخلاط وانت شوف اللون ان صار لونه ازرق عدل مدل اوكي ..اما اذا حاط قليل لون زيدقليل ان لم يعطيك الزراق البحري العجيب ويصب على النص الثاني من الكيكة ... والنص الاول اللي لونه ابيض يطحن البسكووت ويغطى سويه مثل الرمل ..نفس الصوورة


والحين حطوها بالفريزر حروة ال6 ساعات كذا ووقت التقديم طلعوها وزينوها بكاكاو الكور وجلي اللي على شكل اسماك واللي على شكل صخر وطفاحية وطبعا الشماااسي اهم شي وهذا الشكل النهائي.. وطبعا الشمسية انا حاطتها ذهبيي شلوون صايرة بني مادري التصوير حده موشي لان قبل ما ياكلونها تذكرت اصور شكلها النهائي ولا جان مت بجي وقهر لو ناسية





وبالعاافية على كل من شاف وانحاش ..او شاف ورد.. او شاف ورد وطبق ..