البدايه كانت سؤال ؟
بسم الله الرحمن الرحيم
طلب كثير من الاخوه والاخوات لى فى الرسائل لحكايه قصتى لعلها تكون سبب فى هدايه غيرى ولهذا فقط سوف احكيها لكن اعذورونى بدون اى تفاصيل
كنت بنت مسيحيه عاديه جدا لا يشغل بالى الدين كثيرا واسرتى اسره ليست شديده التدين الا انها تواظب الذهاب الى الكنيسه لحضور القداس واخذ البركه لكى تشعر بوجود اليسوع معانا . كان كل قداس ينتهى دائما بكلمه واحده هنيئا لكم يا اولاد الرب .
واخرج من الكنيسه وقد شعرت انى اديت ما على خلاص حتى عندما ارتكب الخطيه ايا كانت الا انى والحمد لله لم ارتكب الكثير منها او ما يجعلنى اخجل منها . كنت اذهب واعترف واخذ الغفران والمباركه وانتهى الموضوع على هذا .
كان لى صديقه واحده مسيحيه ايضا لم نفترق منذ ان كنا فى الابتدائيه ونظرا لتشابه اسمى واسمها كنا دائما فى لجنه امتحان سويا ودخلنا اعدادى مع بعض وثانوى ولكن فى الجامعه افترقنا اصبحت هى فى كليه وانا فى كليه اخره . بس كنا فى نفس الجامعه
درست هى مقارنه الاديان وكانت ماده اساسيه عندها ودى بتعتمد على البحث وكل طالب يعتمد فيها على نفسه وعلى بحثه والى ما يتوصل اليه من نتائج .
بدايه بدئت اشعر بتحول غريب فى شخصيتها اصبحت وكانى لا اعرفها اصبحت ساخطه على كل شىء يخص ديننا تجادل فى كل شىء معى وبدء يزيد الخلاف بيننا فانا ادافع عن المسيحيه وهى تنتقض الكثير منها . الى ان جاء يوماعلنت لى فيه انها طلبت فسخ نصف الاكليل الخاص بها وهو بمثابه الخطوبه مع انها كانت تعشق خطيبها وعانت كثيرا حتى وافق اهلها وتم الموضوع . استغربت كثيرا من موقفها وسالتها واتهمتها انه اكيد فى شخص تانى غير حياتها علشان كده استغنت عن خطيبها وبدئت ابعد عنها . الى ان جائت هى وكلمتنى وقالت لى انها استغنت عن خطيبها لانها وجدت من تحبه اكثر ويستحق ان تتنازل عن كل ما تحبه من اجله . وطلبت منى ان نتحدث سويا بالعقل والمنطق وبعدها سوف تخبرنى بما حدث لها على ان اعاهدها انى اكتم ذلك الكلام اذا كنت احبها وانا وعدتها بذلك .
وسالتنى هذا السؤال الذى حيرنى كثيرا وسالته انا للقس بعد ما
ياْست من الاجابه عليه ؟ اذا كان القس يغفر لنا لانه رسول الرب ويغفر له من هو اعلى منه ويغفر للاعلى منه من هو اعلى وذلك الاختيار له على اساس انه لا يرتكب الخطيه
فهو نقى لذلك هو رسول الرب ؟ اذا كان كذلك وبعدها عرفنا ان رسول الرب ارتكب ابشع من الخطيه ارتكب الزنا والسرقه فهل الرب لم يعلم بامره وما سوف يفعله فى المستقبل ليستامنه لغفران خطايانا ؟
لم استطع الرد عليها قالتلى خلاص بينى وبينك القس اساليه وعرفينى الاجابه
وفعلا ذهبت وسالته فكان رده لى بالحرف الواحد . يا بنتى الرب يعلم كل شىء لذلك عندما ارتكب القس الخطيه فضحه لنا ولكم .
اخذت رده كلام مسلم به وانا اشعر بالفخر انى وجدت الاجابه وذهبت لها وحدثتها بالاجابه فضحكت وسالتنى طيب هقولك حاجه افرضى ان فى قس زى ما احنا اكتشفنا كان بيرتكب الخطيه لفتره طويله خمس سنوات مثلا ونحن طبعا لا نعرف عنه الا بعد تلل المده عندما افتضح امره طول المده دى وانتى بتعترفى ليه ويعطيكى ثق الغفران وانتى تشعرى بالخلاص من خطيئتك بل وبراحه ايضا سؤالى هل تم الغفران فعلا من قس يرتكبها هو ايضا وانتى لا تعلمى عن امره شىء . طيب اذا كان هو كذلك ايه بئا الراحه النفسيه اللى بنضحك بيها على نفسنا انه اتغفر لنا اذا كان هو اصلا غير مؤهل لذلك يبئا احنا بنضحك على نفسنا ولا لا .
دى كانت البدايه للتشككيك فى دينى التى فعلا زعزعت ايمانى قليلا بس انا برضه قولتلها خلاص الغلط فينا مش فى يسوع . قالتلى طيب انتى لما تحبى ترتبطى بانسان هل تحبى ان تراه فى موقف زل واهانه والكل بيشتم ويسب فيه ويبثق عليه طبعا اجابتى كانت بالرفض القاطع . قالتلى طيب ازاى ترضى لالهك هذا وتحبيه كل هذا الحب صرخت فيها وقولتلها انتى كده كافره وناكره للى عمله اليسوع من اجلنا الا انها ضحكت وعندما راتنى هكذا قالت خلاص تعالى نتكلم بالعقل ومن غير زعل انا بحبك وعايزه مصلحتك مش اكتر .
ازاى 1+1+1=1 والله واقسم بربى وقتها شعرت وانى اول مره اسمع هذا الكلام مع انى عارفه دينى كويس بس معرفتش اجاوب فضلت اجيب كلام من هنا وكلام من هنا قاللتى خلاص برضه اسالى القس وقوليلى رده .
ذهبت تانى اسبوع للقس وسالته هذا السؤال وكان رده ايضا بنفس الحرف
انتى عبيطه يا بنتى ولا ايه ده سؤال انتى متعرفيش يعنى ازاى طب انا معنديش وقت اضيعه مع بلهاء زيك واذا ماكنش عاجبك الجمع ايه ريك فى جدول الضرب مش برضه فيه ان 1 فى 1 فى 1 = 1 خلاص هى دى الاجابه .
بس انا كده مفهمتش حاجه قالى اعملك ايه انتى غبيه جدا على فكره طبعا حسيت انى غبيه او هو اللى غبى ومش عارف يفهمنى .
لما ذهبت لصديقتى وحكيتلها اللى حصل ضحكت وقالتلى هو اللى غبى ومش هيلاقى اجابه يقنعك بيها . ثم قالت لى ايه رايك فى الاسلام بصراحه صعقت من سؤالها قولتلها يعنى ايه انتى اسلمتى صح . قالتلى مش هقولك غير لما احس انى بكلم بنت على الفطره لا هى مسيحيه ولا مسلمه . المهم قالتلى انا سمعت لشيخ اسمه محمد حسان عن برنامج عن يوم القيامه وقالتلى اسمعيه بكره وهنتناقش فيه وفعلا ربنا يسر لى الحال وعرفت اسمعه وكانت الحلقه عن حاجه اسمها التطاول فى البنيان . انا مقدرتش افهم اوى منه بس بجد شعرت وانى اول مره اسمع شىء ياثر فيه هكذا حتى لو من دون ان افهمه كله . واتناقشت معاها تانى يوم وقالتلى بزمتك هو كان فى ايام زمان عمارات وابراج ناطحه للسحاب قولتلها لا قالتلى ايه اللى عرف محمد رسول الاسلام هذا الشىء . الا اذا كان نبى فعلا . على العموم انا فتحت عنيكى على حاجات كتير اهو وانتى ابحثى علشان تقتنعى زى انا ما اقتنعت . بس مش من المسيحين . فتشى فى الكتب كما امرنا المسيح واعرفى المعلومه من اهلها من المسلمين .
من هذا اليوم وانا ابحث واول ما بحثت فى النت كتبت كلمه المسيح الحق فظهر لى هذا الموقع ولم ادخل سوى هذا الموقع ومنذ فتره وانا فيه زائره اقرء كثير واعقل كثير بعقلى الى ان توصلت الى انه لابد من المناقشه عايزه ارسى على بر وفعلا سجلت واتناقشت مع الاخ نجم ثاقب جزاه الرب خيرا الى ان توصلت للحقيقه
اشهد ان لا اله الا الله وان محمد رسول الله وان عيسى رسول الله
عندما ذهبت للقس وسالته عن انجيل لوقا وكيف لم يذكر اى شىء عن واقعه القيامه كما طلب منى الاخ الفاضل نجم ثاقب قال لى انتى تانى ايه يا بنتى كميه الغباء اللى عندك دى . طبعا كل ما اخذته منهم هو الاهانه فقط اشكركم كثيرا
رد مع اقتباس
المفضلات