اوموسايد و السى اى ايه

[عبد الله المصرى]

سقطت طائرة تجسس امريكية فوق افغانستان ......فتلقاها رجال الحركه فرحيين مهللين وتجمع حول حطامها عدد من قيادات الحركه يقتسمون الغنيمة الامريكية الثمينة على طريقة اللى يجى منهم احسن من عنهم
بعد دقائق ازداد الملتفون حول الطائرة المنكوبة ينزعون المروحة الامامية ليعلقوها فسقف مركز القيادة ( تجيب طراوة ) ويفكون اجهزة التسجيل ليضبطوا موجاتها على اذاعة صوت العرب
ثم يبحثون عن الصندوق الاسود ليأخذو منة شريط الكاسيت الداخلى ويسجلو علية اغنية افراح شعبية تقول فيما معناها
يبتاع الشباشب عايز شبشب بصباع
او شبشب بفيونكا بدل الحبيب اللى ضاع
وما ان علمت امريكا بالذى حدث راحت تستعد لنفية بكبرياء على لسان مسئوليها الكبار المتحدثون لاجهزة الاعلام الا ان ظهر خبر جديد مثير يتصدر نشرات الاخبار فى انحاء العالم عن سقوط طائرة امريكية اخرى فنفس المكان وبنفس الطريقة ساعتها فوجأ رجال المخابرات الامريكية بقائدهم يستند بظهرة للحائط ويطلب مقعدا بسرعة وكوب ماء......
بعد ان افاق حاول التماسك وجمع مساعدية وتحدث اليهم (بالأنجليزى طبعا) يقول شوفو بأة يا مينز الكلام دة مينفعش ...انا عارف العرب دول عالم سو لا هيحوق فيهم تكنولوجيا ولا ينفع معهم طيرات تنصت
شرب كوب ماء كبير ثم اتبعة بكوب ثانى ثم تالت قبل ان يكمل كلامة (بالأنجليزى بردة) ويقول من خبرتى الطويلة فى منطقة الشرق الاوسط ايام خدمتى فضرب العراق وليبيا والسودان وعاصفة الصحراء وسمعت انهم عندهم طريقة شعبية اسمها (open the mandel) ... رد المساعد : ياس سير الدكتور مندل بتاع نبات البسله اللى اخدناه فى الاعداديه,,,,, اجابه مغتاظا : مندل بتاع البسله بردة يا جاهل ,, اوف كورس نوت ,,,,فتح المندل دة بيجمعوا بيها معلومات عن اى شخص او اى شىء مفقود يريدون العثور علية وتحديد مكانة احنا بقى يا ابناء كوزموس هنستعمل نفس الطريقة بس ضدهم يعنى هنفتح المندل على الارهابى ونعرف بيختبأ فين واى الدول تؤوية المهم نضمن مساعدة (( اوموسايد)) فقاطعة احد رجالة وقال سورى سير احنا نعرف جهاز الموساد لكن محدش سمع عن جهاز اوموسايد دة؟
شرب كوب ماء اخر قبل انا يصاب بزبحة صدرية ثم توجة للمتحدث اللمض امامة وقال اسمها اوموسايد يا جاهل وليست جهاز ولكنها امرأة تحترف فتح المندل وقراة الكف والفنجان والطالع و النازل كمان وتحضير الارواح وهى اشهر من يعمل فى مجالها وفى احدى اكبر دول الشرق الاوسط ابنها الاكبر سايد لذا يطلقون عليها اومو سايد فهمت يا (ستيوبد)
رد الرجل بخجل وهو يتراجع للخلف سورى سير وفى صباح اليوم التالى كانت هناك بعثة من اكفأ رجال المخابرات الامريكية يحيطون بالحاجة ام سيد فبيتها الريفى البسيط وهى بينهم مندمجة فالعمل تطلق البخور
وتحرك الفلك والفلوك وتخرم راس العروسة بالابر من عين بهية بنت سعديه وست ابوها ومن عين ذليخة ولبيبة ومنيرة وكل اللى شافك يا امريكا ونضر برج التجارة ولا صلاش عنبى
ومضت ساعة واكثروالدخان يتزايد فالمكان والرهبة تخيم على الجميع واخيرا حضرت الاسياد بناء على طلب الست ام سيد لتدلهم على مكان الارهابى الهارب على ظهور الجياد والمستهدف من امريكا وحلف الناتو والهند واسلام اباد وفجاة انطلقت شعلة حمراء وسط البخور وهتف صوت اجش فى الحضور يقول بحسم دون تردد من غير عجن ولت كتير يجماعة انتم بضيعو وقتكم الارهابى الذى تبحثون عنة طلع مكار ....عفريت ...ملعون ويختبأ فأخر مكان فالكون يمكن ان تنزلو فية قواعدكم واسلحتكم انة فى اسرائيل منذ اسبوع يختبأ كما يختبأ الحرمى الشاطر فالكراكون الان تمت مهمة الاسياد وحددنا مكان المذكور بمنتهى الدقة والكفائة وقلنالكم اللى فية الفايدة وانتم احرار ادفعوا باة الاتعاب للست ام سيد قبل ما تصوت وحذارى تعيط او تغضب والا تبقى وقعتكم سودا ومشكلة جديدة لعملية الشالوم فالشرق الاوسط
بعد انصراف الاسياد فى امان بدأ زعيم المجموعة الاستخبراتية يسلم ام سيد الف دولار ازرق ( مضروب يعنى ) ووراة الثانى والثالث والرابع ...........الا ان رأت الرزم الزرقاء صفوف تتكدس فى بيتها طوابير فصرخت فالرجل الذى امامها وقالت كفاية يا خويا كل دة عشان دلتكو على الارهابى.؟
فتبسم لها رجل اشقر وقال بلكنة امريكية واثقة يا اوموسايد احنا متهمناش الفلوس احنا بنشترى راجل