درس الأحد أبوكوا السقا مات

[showman]

درس الأحد
أبوكوا السقا مات

الواعظ أبوحاحا
أبوكوا السقا مات ياولاد !!
التلاميذ

أبوحاحا
أسف قصدى سلام ونعمة ياولاد
الواحد من كتر تفكيره فى الحلم إللي شفته ليلة إمبارح مخى لسه معلق معاه
يااااه على ده حلم
أول مرة فى حياتى أشوف حلم بالألوان وكمان 3D
ميرى
حلم إيه يابونا ؟
أبوحاحا
ليلة إمبارح بالليل وأنا نايم شفت نفسى واقف على جبل المقطم فى ناحية وسط خلق كتيرة من شعبنا ومعانا البطريرك بتاعنا الأنبا إبرام إبن زرعة وفى إيده صليب كبير وفى الناحية التانية فيه خلق أكتر بكتير مسلمين وقدامهم راجل مهيب راكب فرسه وحواليه حرسه سئلت عنه قالوا ده السلطان المعز ولقيت واحد من شعبنا بعين واحدة واقف مستخبى ورا ألأنبا إبرام وقاعد يمليه الكلام إللي يقوله زى الراجل إللي قاعد مستخبى فى الكمبوشة بتاعة المسرح ويقول كيرياليسون والبطريرك وشعبنا يرد وراه وأنا بأرد معاهم ونقول
كيرياليسون كيرياليسون كيرياليسون
وسجدنا تلات مرات
ونقول تانى
كيرياليسون كيرياليسون كيرياليسون يارب إرحم

نجفة
كنتوا بتقولوا كيرياليسون كيرياليسون كيرياليسون وبعدين تقولوا بالعربى يارب إرحم ؟
أبو حاحا
أيوه
نجفة
إيه كنتوا بترجموها لربنا ؟
بيشوى
سيبك منها يابونا
وبعدين حصل إيه ؟
أبو حاحا
وفجأة لقيت الجبل إتهز هزة جامدة جداً من قوتها وقعت من على السرير وأنا بأحلم
مراتى حست بيا لما وقعت قالتلى مش عارفة أعمل معاك إيه ؟ حاطتلك مخدة علشان تحوشك وماتوقعش مانفعتش نيمتك الناحية التانية بردو مفيش فايدة
غلبتّنى معاك
قلتلها أيوه فكرتينى بالناحية التانية
قالتلى لا تانية ولا تالتة
الظاهر إن مفيش قدامى إلآ إنى أربطك فى السرير لما تيجى تنام
قلتلها أنا قصدى بالناحية التانية إللي كنت واقف فيها فوق الجبل
قالتلى قصدك الناحية التانية إللي كنت نايم فيها فوق السرير
قلتلها صدقينى أنا كنت بأحلم وشفت القديس سمعان الخراز فى الحلم وكنت معاه لما كان لسه حينقل جبل المقطم والجبل إتهز حتة دين هزة
قالتلى والله أنا خايفة مرة تحلم إنك بتعمل حمام تقيل وتعملها على السرير وتبهدللنا الدنيا
قلتلها حرام عليكى مش للدرجة دى
ده أنا أهون من غيرى بكتير ده أبونا سمسمة راكبه عفريت إسمه عوضين بيخليه ينزل على الأرض لا مؤاخذة زى الجحش ويقعد يرفس الهوا برجليه وهو بيقول شيلوه من على ضهرى بينخسنى فى فى بلاش أأقول أحسن تزعلى وكمان علشان الرقابة
قالتلى وإنت نسيت إللي حصل الإسبوع إللي فات لما كنت نايم لوحدك على السرير بعد الضهر وكنت أنا بأعمل شغل البيت وبعدين قفشتك وإنت واخد ملاية السرير وهى غرقانة ميا وكنت عاوز تحطها فى الغسالة من ورايا وقلتلى أصل إزازة الميا وقعت من إيدى وأنا بأشرب ولما ربطتك بالصليب علشان تقول الحقيقة قلتلى إنك كنت بتحلم إنه كان عندك جنينة وواحد هداك بشتلة زرع وقالك إعمل حفرة بسرعة وحط فيها الشتلة وإسقيها ميا وإنك دورت ساعتها على ميا ما إلتقتش وقعدت تفكر تسقى الشتلة إزاى علشان ما تموتش وإنك سمعت صوت بيقولك طرطرعليها واخلص وده هو إللي بل الملاية
قلتلها خلينا دلوقت فى سمعان الخراز تتصورى إنه نقل الجبل وهو بعين واحدة إومال لو كان بعينيه الإتنين كان عمل إيه ؟
قالت كنا إحنا الإتنين وقعنا من على السرير
قلتلها أيوه صحيح ده كان ممكن يحصل
قالتلى إيه هو إللي يحصل إنت بتصدق الكلام الفارغ ده
أصل مراتى مش مصدقه الحكاية بتاعة نقل جبل المقطم
مع إنها سمعت الحكاية دى قبل كدة وقالتلى هما فاكرين جبل المقطم ده شوية صخر متكومين فوق الأرض وخلاص ده جبل ضخم وجدوره إللي فى الأرض أطول من طوله وبعدين المعز إللي بتقول عليه مات قبل إختراع الحكاية دى بأربع سنين
قلتلها صدقى إللي حصل ده حقيقى ولابد أن تصدقى
قالتلى أصدق إيه يابو عقل منخوليه
قلتلها طيب إنت مش مصدقه ليه ؟
قالتلى إنت مفروض تفهمها لوحدك
قلتلها مش واخد بالي
قالتلى تقدر تقوللى أبو زرعة بتاع الحدوتة مات إزاى ؟
قلتلها مات زى الناس
قالتلى مات مسموم ؟
قالتلى وطبعاً مش عارف مين إللي سمه ؟
قلتلها أكيد واحد من المسلمين
قالتلى إللي سمه يا فالح نصرانى إسمه أبو سرور
أصل مراتى ياولاد مثقفة وعندها معلومات عامة رهيبة
بيشوى
وبعدين يابونا
أبوحاحا
وبعدين فاجئتنى وقالت وإنت طبعاً مش عارف يسوع قال إيه فى الانجيل ؟
قلتلها مش واخد بالى
يعنى قال إيه بالنسبة لإيه ؟
قالتلى يابونا يابتاع المواعظ يسوع قال
16: 17 و هذه الايات تتبع المؤمنين يخرجون الشياطين باسمي و يتكلمون بالسنة جديدة
16: 18 يحملون حيات و ان شربوا شيئا مميتا لا يضرهم و يضعون ايديهم على المرضى فيبراون
قلتلها وده معناه إيه ؟
قالت إنت حتنقطنى كمان عاوزنى أشرحلك ده
قلتلها بس بالراحة عليا ده إيه علاقته بالموضوع ؟
قالت معناه إن الحدوتة متفبركة وكدب فى كدب
قلتلها طب إزاى ؟
قالت لما الواحد يشرب شيىء مميت زى السم مثلاً ومايموتش دى تبقى أية يعنى معجزة وعلشان ده يحصل ومايموتش لازم يكون مؤمن لأن يسوع قال
وهذه الأيات تتبع المؤمنين
يعنى لو مش مؤمن يموت طوالى فهمت ولا لسه ؟
قلتلها الصراحة لسه
وأبو زرعة مات مسموم يبقى مش مؤمن والأيات دى لا تتبعه زى ماقال الرب يسوع
إزاى بقى جاتله العدرا فى الحلم وهو غير مؤمن
إللي ألف الحكاية دى لسوء حظه مكانش يعرف إن أبو زرعة حيموت مسموم
ثانياً فى الحدوتة بيقولوا إن الجبل بعد كل سجدة كان بيرتفع لفوق وبعدين ينزل يندك ويلتصق بالأرض وكانوا بيشوفوا الشمس من تحت الجبل لما كان يرتفع
هو الواحد منا مهما طلع فوق حيشوف الشمس تحت منه حتى لو ركب طيارة ياراجل يا طيارة
ولأ وإيه يرتفع فوق خالص وبعدين يندك ورغم كدة ولا واحد وقع من إللي واقفين عليه أصلهم ملزوقين فيه ب غرا وقال إيه الجبل يمشى قدامهم وهما يمشوا وراه
أصلهم مجوس ماشين ورا النجم
المقطم طول عمره إسمه المقطم قبل الحكاية دى مش سموه كدة علشان إتقطم
عيبك إنك ما بتفكرش فى إللي بتقراه حتى الخراز إللي
بيقولوا إنه قلع عينه بالمخراز لما بص لرجل واحدة ست
هو إللي بيبص لحاجة بيبصلها بعين واحدة ولا بعينيه الإتنين ؟ إلا بقى إذا كان أعور من الأول ساعتها حيبص بعين واحدة
قلتلها طيب إيه مصلحتهم إنهم يألفوا الحكاية دى
قالتلى يعنى مش عارف ليه ؟
البقية بمشيئة الله عند التفاعل

[عبد الرحمن احمد عبد الرحمن]

متابع يا استاذنا بس لا تطول علينا...
ويسعدك ربنا دنيا وآخره

[showman]

اقتباس

متابع يا استاذنا بس لا تطول علينا...
ويسعدك ربنا دنيا وآخره

أكرمك الله أخى وحبيبنا عبد الرحمن لعلك الوحيد الذى لا يبخل بالمشاركة والتفاعل معنا ونأمل من باقى الأخوة التفاعل

[showman]

قلتلها منك نستفيد
وبعدين المثل بتاع أبونا السقا مات هو كمان متفبرك
هو سمعان الخراز ده مش كان إسكافى وسقا فى نفس الوقت وكان بيفوت بقربته على الفقرا علشان يسقيهم ميا
قالتلى مهو إحنا بردو يافالح إللي طلعنا المثل ده بعد الحدوتة إياها وبعد مامات سمعان المسلمين لقطوا العبارة دى وعملوها مثل
قلتها يا مفترية
قالتلى أنا بردو المفترية ولا إللي ألف الحدوتة دى هو المفترى
يعنى سمعان الأعور كان يشتغل إسكافى وبعد ما يخلص ويرّوح البيت ياخد قربته ويروح يملاها من حنفية الميا بتاعة الحكومة ويلف على بيوت الفقرا يودى ليهم ميا وكل القربة ما تفضى يروح يملاها تانى من الحنفية ويلف تانى بيها على البيوت وأخر الليل يرّوح ويقعد يصلى للرب بقية الليل
إومال بينام إمتى ؟
إذا كان الانجيل نفسه بيقول إن الرب بينام
يعنى الرب ينام وسمعان الخراز ما ينمش ؟
بس كل ما أفتكر إن المقطم بقى يرتفع فوق وبعدين ينزل يندك على الأرض ومفيش حد من إللي واقفين عليه وقع من شدة الهزة أو حتى طارت عمته من على راسه أو الخيل إللي راكبين عليهم المعز وحرسه ما يحصل لهم هيجان ويوقعوا إللي راكبين عليهم
كل ما أفتكر ده أضحك على المغفلين إللي بيصدقوا الكلام ده
إذا كنت إنت وإنت بتحلم بتقول إنه من شدة الهزة وقعت من على السرير
إومال إللى واقفين وشاهدين وصاحيين ومترقبين وما بيحلموش زى حضرتك ليه ما حصلهمش حاجة ؟
لو ده حصل حقيقى كان على الأقل نص الموجودين فوق الحبل ماتوا بالسكتة
وكفاية بقى وخلينى ساكتة علشان لو إتكلمت حاخلى الحكاية دى زى شبكة الغربال وقال إيه لما المعز شاف المعجزة دى قال محمد مفيش
هو خليفة المسلمين ده كان خواجة ؟
الحكاية واسعة جامد ومبهوقة على الأخر وخصوصاً لما البطريرك جمع الشعب القبطى وجم فى الحال من كل حدب وصوب وما ذكرش جم إزاى فى الحال وسافروا نيلى ولا صحراوى
ده علشان توصل أخر الصعيد لازملك نص شهر لو فى النيل وشهر لو كنت راكب حمار
قلتلها طيب ياباتعة إيه مصلحتهم إنهم يألفوا الحكاية دى ؟
قالتلى علشان تثبيت الإيمان ياغلبان زى ما بنكدب دلوقت ونقول عن ظهورات العدرا
قلتلها ياباتعة بلاش إفترا
قالتلى طيب تعالى نمسك الحكاية من أولها ونفتتها حتة حتة
يتبع بمشيئة الله مع رجاء التفاعل

[الفضة]

تسجيل متابعة ، مشكلة النصارى الأحلام من ساعة حلم بولص ، بارك الله في قلمكم أستاذنا شومان .

[showman]

اقتباس

تسجيل متابعة ، مشكلة النصارى الأحلام من ساعة حلم بولص ، بارك الله في قلمكم أستاذنا شومان .

شكراً لاستاذتنا الفضة لتشريفها الدرس بمرورها الطيب
وبالنسبة للأحلام فقد سبقت أحلام متى الستة حلم معلمهم بولس
وعموماً المسيحية هى عبارة عن أحلام وردية ليس فيها مشقة أو تكليفات وكل ما يدخل البطن مباح حتى ما يغيّب العقل ولو كان دم الرب
المهم هو المحبة ولو كانت مجرد كلام أى يقولون بألسنتهم ما ليس فى قلوبهم يتغنون باالمحبة وقد بدت البغضاء من أفواههم

[شعشاعي]

ايه الجمال ده يا مولانا

شوقتنا

إن شاء الله متابع

[showman]

اقتباس

ايه الجمال ده يا مولانا

شوقتنا

إن شاء الله متابع

وشكراً لمتابعتكم حبيبنا شعشاعى

[showman]

قالتلى أقرا أنا الحكاية ولا تقرا إنت
قلتلها أنا بقره وإنت علقى عليا
قالتلى مصدقاك بس إنت حتقرا الحكاية من فين

قلتلها مش واخد بالى
قالتلى يعنى حتقرا الحكاية من منتديات الزريبة بتاعتنا ولا إللي كتبها عزت أندراوس
قلتلها هوإحنا عندنا زريبة؟
قالت قصدىعلى منتديات زريبة الخرفان
قلتلها مش حتفرق مش عزت اندراوس هو كمان خروف
قالتلى طبعاً خروف وما يقدرش ينكر إنه خروف
قول بقى هو كتب إيه ؟
مع إنى قريت إللي كتبه قبل كدة

قلتلها كتب
جدال دينى بين يهودى ونائب البطريرك أمام الخليفة المعز لدين الله الفاطمى ينتهى بنقل جبل
وحدث أن وزير المعز اليهودى الذى أسلم يعقوب إبن كلس كان له صديق يهودى إسمه موسى وحصل على نعم ورزق وفير من الخليفة لأجل صداقته لوزيره فلما رأى محبة الخليفة للبطرك ومركزه عنده إشتعلت الغيرة فى قلبه وحسده وأعد خطه شريرة فقال للمعز : " أنا أريد أن تحضر البطريرك واجادله بين يديك (أمامك) ليظهر لك حقيقة دينه "
قالتلى عندك إستنى هنا هو بالعقل كدة إللي إسمه موسى ده صديق الوزير حيأمرالخليفة ويقوله أنا أريد أن تحضر البطريرك وأجادله بين يديك
يدخل عقلك الكلام ده ؟ كمل كمل
فلم يقل المعز للبطريرك ما قاله موسى بالضبط ولم يعٌرضه لهذ المناقشه حتى لا تهتز مكانته لمحبته له فقال له : " إن رأيت أن تحضر أحد أولادك الأساقفه يجادل اليهودى فإفعل " فإتفقوا على يوم يحضروا فيه لمناقشه اليهودى .
قالت يعنى الخليفة يعمل خاطر للبطريرك لمكانته عنده
وموسى لا يعمل حساب لمكانة الخليفة ويأمره بقوله أنا أريد أن تحضر البطريق لأجادله ؟؟
كمل ...كمل
وفى اليوم المختار ذهب إلى قصر المعز الأنبا أفرآم ومعه الأنبا ساويرس إبن المقفع فجلسوا فى حضرة الخليفة المعز وجلسوا صامتين مدة طويلة حتى قال لهم المعز : " تكلموا فيما إجتمعتم من أجله " ووجه نظره إلى البطرك قائلاً : " قل لنائبك أن يقول ما عنده " فقال البطرك للأسقف : " تكلم يا ولدى فإن الرب يوفقك " .. فقال الأسقف للملك المعز
قالتلى هو عزت أندراوس قلب الخليفة لملك ؟؟
قلتلها ياباتعة ما توقفليش على الواحدة
قالتلى طيب كمل .. كمل
فقال الاسقف للملك المعز
لا يجوز الكلام مع رجل يهودى جاهل أمام أمير المؤمنين فقال له اليهودى : " أنت تحط من قدرى وتعيبنى وتقول فى حضرة أمير المؤمنين إنى جاهل " فقال له الأسقف الأنبا ساويرس إذا ظهر الحق لأمير المؤمنين فلا تغضب "
فقال المعز : " لا يجوز أن يغضب أحد فى المجادلة بل ينبغى للمجادلين أن يقول كل واحد منهم ما عنده ويوضح حجته كيفما شاء " فقال الأسقف أنا لم أشهد عليك يا يهودى بالجهل بل نبى كبير جليل عند الرب هو الذى شهد بذلك ".. قال له اليهودى : " ومن هو هذا النبى ؟ " .. قال له : " أشعياء النبى الذى قال فى أول كتابه عن الرب : الثور يعرف قانية والحمار عرف مزود سيده أما إسرائيل فلم يعرفنى والشعب الجاهل لم يفهمنى "فقال المعز لموس اليهودى : " هل هذا صحيح ؟ " قال : " نعم هذا مكتوب " قال الأسقف : " أليس الرب هو القائل أن البهائم والدواب أفهم واعقل منكم ولا يجوز لى أن أخاطب فى مجلس أمير المؤمنين دام عزته منْ تكون البهائم والحيوانات أعقل منه وقد وصفه الرب بالجهل "فأعجب المعز بالجدال وأمرهم بالإنصراف
قالتلى حاسب عندك
قلتلها فيه إيه تانى ؟
قالتلى المعز لما سئل موسى اليهودى وقال هل هذا صحيح على إن الرب وصف اسرائيل بالجهل
مش كان ممكن موسى اليهودى يرد عليه ويقول إذا كان الرب نفسه يهودى ومن بيت يعقوب زى ما بتقولوا عندكم فكيف يصف الرب نفسه بالجهل
وبعدين القصة بتقول إن المعز كان مغرم بالأدب وبمجالس العلم وأكيد هو إطلع على ما فى الإنجيل وعارف المكتوب عن يسوع وإنه يهودى من بيت داود زى ماهو مكتوب
قلتلها صدقينى مش حينفع كدة ياباتعة كل شوية تقاطعينى
قالتلى طب كمل كمل
وإستحكمت العداوة بين الفريقين وأصبحت نفس الوزير اليهودى مريرة من الغضب وذهب ليبحث عن ثغرة فى الإنجيل لأن الأقباط تغلبوا على اليهودى عند المعز وبعد بضعة ايام دخل الوزير اليهودى عند المعز وقال : " مكتوب فى إنجيل النصارى: من كان فيه إيمان مثل حبة خردل فإنه يقول للجبل إنتقل وإسقط فى البحر فيفعل والنص الإنجبلى هو: لو كان لكم إيمان مثل حبة خردل لكنتم تقولون لهذا الجبل إنتقل من هنا إلى هناك فينتقل ( متى 17 ك 20 ) فليرى أمير المؤمنين رأيه فى مطالبتهم بتنفيذ هذا القول لأنه من المستحيل أن يتم هذا وإنه كذب
قالتلى حاسب عندك
قلتلها معقول كدة ياباتعة إللي بتعمليه
قالتلى هنا بالذات لازم تُقف
قلتلها ضرورى ؟

قالتلى طبعاً
موسى اليهودى عنده حق لما قال من المستحيل أن يتم هذا وإنه كذب
قلتلها ياسلام !!
ليه هو الكلام ده فيه حاجة

قالتلى النص الانجيلى فعلاً مكتوب فى متى وعلى لسان المسيح
قلتلها أديكى إعترفتى بنفسك
قالتلى أيوه بس المسيح قال الكلام ده لمين ؟؟؟؟؟
شوف الكلام المكتوب قبل العدد ده
قلتلها طيب إستنى لما أجيب الانجيل
فين إصحاح 17 فين إصحاح 17
أهو
17: 14 و لما جاءوا الى الجمع تقدم اليه رجل جاثيا له
17: 15 و قائلا يا سيد ارحم ابني فانه يصرع و يتالم شديدا و يقع كثيرا في النار و كثيرا في الماء
17: 16 و احضرته الى تلاميذك فلم يقدروا ان يشفوه
17: 17 فاجاب يسوع و قال ايها الجيل غير المؤمن الملتوي الى متى اكون معكم الى متى احتملكم قدموه الي ههنا
17: 18 فانتهره يسوع فخرج منه الشيطان فشفي الغلام من تلك الساعة
17: 19 ثم تقدم التلاميذ الى يسوع على انفراد و قالوا لماذا لم نقدر نحن ان نخرجه
17: 20 فقال لهم يسوع لعدم ايمانكم فالحق اقول لكم لو كان لكم ايمان مثل حبة خردل لكنتم تقولون لهذا الجبل انتقل من هنا الى هناك فينتقل و لا يكون شيء غير ممكن لديكم
قالتلى عرفت بقى إن الكلام ده كان فقط لتلاميذه إللي كان أرسلهم قبل كدة كرسل ونفخ فيهم وقال إقبلوا الروح زى ما مكتوب فى متى ومع ذلك مقدروش يخرجوا العفريت من إبن الراجل
لأن مفيش عندهم إيمان ولو أد حبة الخردل ويسوع قال لو فيهم إيمان ولو أد حبة الخردل يقدروا ينقلوا جبل بس للأسف مفيش عندهم إيمان
والكلام ده كان خاص لتلاميذه وليس لأحد أخر وكان لهم خلال الفترة إللي كان أرسلهم فيها للتكريز وإنتهت برجوعهم والكلام ده إتقال بمناسبة عدم قدرة تلاميذه على إخراج العفريت من إبن الراجل إشتكاهم ليسوع
أما المكتوب فى مرقس عن نقل الجبل فكان بمناسبة التينة مش العفريت بتاع إبن الراجل
ومكتوب
11: 20 و في الصباح اذ كانوا مجتازين راوا التينة قد يبست من الاصول
11: 21 فتذكر بطرس و قال له يا سيدي انظر التينة التي لعنتها قد يبست
11: 22 فاجاب يسوع و قال لهم ليكن لكم ايمان بالله
11: 23 لاني الحق اقول لكم ان من قال لهذا الجبل انتقل و انطرح في البحر و لا يشك في قلبه بل يؤمن ان ما يقوله يكون فمهما قال يكون له
فمش عارفة أصدق مين فيهم متى ولا مرقس

ومع ذلك فكلام يسوع كان للتلاميذ فقط
فموسى اليهودى كان عنده حق فيما قاله
يتبع بمشيئة الله

[showman]

قلتلها ياسلام عليكِ ياباتعة لما تحبى تقاوحى
قالتلى طيب كمل ياحاحا
فإن هم لم يفعلوا فلنفعل بهم ما يستحقوه على إيمانهم الكاذب " فلنختبر النصارى بهذا القول ولنا فى ذلك إحدى فائدتين فإن صح زعمهم به فهذا جبل مكتنف القاهرة سمى فيما بعد بالمقطم (6)
قالتلى عندك
قلتلها هى شغلانة كل شوية عندك عندك
قالتلى المقطم طول عمره إسمه المقطم مش سموه المقطم بعد الحدوتة البايخة دى
لإنى حبيت أتأكد من الحكاية دى فقريت عنها كتير ولقيت إن المقطم كان إسمه المقطم قبل الكلام ده بكتير وكان فيه مدافن المسلمين حتى عمر إبن العاص إندفن فى المقطم هو والإمام الشافعى بتاع مذهب الشافعية وغيرهم كتير يعنى قبل الدولة الفاطمية ما يكون ليها وجود فى مصر
قلتلها وإنت عرفتى الكلام ده منين
قالتلى أنا مثقفة ياحاحا مش زيك حافظلك كلمتين بتضحك بيهم على الولاد بتوع مدارس الأحد
الكلام ده مكتوب فى الطبقات الكبرى
قلتلها أول مرة أسمع عن الطبقات الكبرى إللي بتقولى عليها
قالتلى ده كتاب ومؤلفه هو محمد بن سعد بن منيع الزهري
قلتلها بيتكلم عن المقطم
قالتلى ده مرجع في السيرة والتراجم والتواريخ
قلتلها ياااه ده على كدة كتاب كبير
قالتلى 11 مجلد
قلتلها قريتى 11 مجلد
قالتلى إومال زيك ما تعرفش حاجة حتى عن الانجيل
طبعاً ياولاد أنا عارف الانجيل إوعوا تصدقوا مراتى
قلتلها هو ذكرإن الجبل إسمه المقطم ؟
قالت طبعاً
وقلتلها ذكرالمعجزة
قالتلى معجزة إيه ياحاحا !!
ده مات سنة 230 هجرية
وهو إللي ذكر إن عمر إبن العاص والشافعى إندفنوا فى جبل المقطم
كمل كمل علشان أطلع لك الحكاية على فاشوش
وإذا إبتعد عنها كان هوائها أنقى ومناخها أجمل ونكسب مكاناً نبنى فوقه المدينه ونوسعها , وإن لم يصح كان المسلمون أولى بمساكن هؤلاء الكفرة والإستيلاء على أملاكهم وإذا طردناهم ومحونا أثرهم من الوجود ويبقى لا ذنب علينا من قبل الله .
فوافقه المعز
قالتلى عندك عندك
قلتلها ياباتعة مش حينفع كدة صدقينى
قالتلى إومال فاكرنى حاعدى الكلام الغلط ده
قلتلها وإيه الغلط إللي فيه
قالتلى هو الخليفة المعز ده مش مسلم
قلتلها أه
قالتلى رسول المسلمين أوصى بأهل مصر خير عند فتحها وفى حديث عن كدة
أخرج مسلم في صحيحه من طريقين ، حديث أبي ذر الغفاري رضي الله عنه ، قال : قال رسول الله صلى الله عليه وسلم : " إنكم ستفتحون مصر ، وهي أرض يسمى فيها القيراط ، فإذا فتحتموها فأحسنوا إلى أهلها فإن لهم ذمةً ورحماً . أو قال : ذمةً وصهراً " [1] .
وفي رواية : " استوصوا بأهل مصر خيراُ فإن لهم نسباً وصهراً
وعلشان كدة الخليفة عمر إبن الخطاب أعطانا العهد والأمان بالوثيقة العمرية
كمل ياحاحا كمل
وأرسل فى طلب الأنبا أبرآم البطريرك وقال له : " ماذا تقول فى هذا الكلام , هو فى إنجيلكم أم لا ؟ " فقال البطريرك : " نعم هو فيه " قال له : " هوذا أنتم نصارى ألوف ألوف وربوات ربوات فى هذه البلاد وأريد أن تحضر لى واحد منهم تظهر هذه الآية على يدية
قالتلى عندك ياحاحا
قلتلها يقطع حاحا وسنين حاحا ده مكانش حلم حلمته
قالتلى أندراوس بيقول إن المعز قال للبطريرك أريد أن تحضر لى واحد منهم تظهر هذه الأيه على يديه
إشمعنى يعنى واحد منهم ؟
ليه ماقالش للبطريرك نفسه أنا عاوزك تنقل الجبل ده بإعتبار إن البطريرك إيمانه أقوى من أى واحد من أتباعه ؟
ولا كانوا بيخططوا لظهور سمعان الدباغ
صحيح إيه لازمة إنه يقول للبطريرك أريد أن تحضر لى واحد منهم تظهر هذه الأيه على يديه
مش شايف إن الكلام معوج حبتين ؟
كمل ياحاحا لما نشوف أخرتها معاك إيه
قلتلها وانا مالى أندراوس هو إللي كاتب كدة
قالتلى ماشى كمل
وأنت يا مقدمهم ( رئيسهم ) يجب أن يكون فيك هذا الفعل وإلا أفنيكم وأمحيكم بالسيف أو أمامك ثلاثه
قالتلى حلوة ثلاثة دى مش كدة ولسه التلاتات جاية كتير فى السكة
ولعلمك مفيش مسلم مش كمان خليفة يعصى كلام الرسول بتاعه ويفنى ويمحى بالسيف بدل الإحسان إللى أوصى به النبى محمد
كمل كمل
لتختار إما قبول الإسلام أنت والنصارى أو هجر البلاد ( طرد الأقباط من البلاد) أو نقل جبل الشرقى [تحكي السجلات المسيحية أن جبل المقطم في فترة العهد الفاطمي منذ عام‏969‏ م كان يسمي الجبل الشرقي وطلب المعز لدين الله الفاطمي من الأنبا أبرام السرياني بطريرك الأقباط نقل الجبل الشرقي ] ( سمى بعد ذلك بالمقطم (7) " ( المساحة الأرض المسطحة التى نقل الجبل الذى نقل منها وإستغلها المعز فى إنشاء القاهرة (8).. حينئذ ذهل البطرك وخاف خوفاً عظيماً ولم يدرى بماذا يجيبه وألهمة الرب فقال : " إمهلنى ثلاثة أيام حتى أبحث وأطلب من الرب إله السماء أن يطيب ويسر قلب أمير المؤمنين على عبيده
قالتلى مش قلتلك التلاتات جاية كتير
كمل كمل
" .. وعاد البابا إلى منزلة بمصر وأحضر الكهنة والآراخنة بمصر وجميع الشعب القبطى وعرفهم ما حدث وهو يبكى
قالتلى بأى وسيلة البطريرك جمع جميع الشعب القبطى وعرفهم ما حدث جاب إزاى إللي فى أخر الصعيد وإللى فى إسكندرية ووقتها لم تكن فيه مواصلات إلا البحر والحمير
ده بيقولك وعاد البابا إلى منزله بمصر وجمع كل جموع الشعب
الحكاية كل مادا وعماله بتوسع
كمل كمل
وجزع النصارى لهذا النبأ ولبس كبارهم وصغارهم المسوح وفرشوا الرماد وذروا التراب على رؤوسهم وصرخ الشيوخ والأطفال إلى الرب وألقت الأمهات المرضعات صغارهن بلا رضاعة أمام الكنائس وصعد العويل والصراخ إلى الرب من كل حدب وصوب (9)
قالتلى عاوزة أعرف بقى حكاية من كل حدب وصوب
هو مش كان جمعهم فى صوب واحد
قلتلها إنت فلقتينى ياباتعة
قالتلى كمل كمل
وحدث أنه كان فى بابليون (مصر القديمة) مجموعة من رهبان وادى هبيب (وادى النطرون) فأمرهم ألا يرحلوا إلى ديرهم ويمكثوا لمدة ثلاث ايام لمداومة الصلاة فى كنيسة السيدة العذراء بقصر الشمع المعروفة بالكنيسة المعلقة ليلاً ونهاراً فظلوا ثلاثة أيام ولياليها فى صوم وصلاة .
قالتلى الثلاثة شغالة الله ينور
أما البطريرك صام صوماً إنقطاعياً فى الكنيسة المعلقة ولم يفطر طيلة النهار من الليل إلى الليل يأكل خبزاً وملحاً وماء يسير وظل واقفاً فى صلاه يبكى وتنهمر دموعه بين يدى الرب كل تلك الأيام ولياليها وفقد القوة على الحركة ولكنه جاهد فى الصلاه أكثر
قالتلى ظل ثلاثة أيام وهو واقف على رجليه يصلى للرب ويجاهد
واحد يفضل واقف على رجليه ثلاثة أيام بلياليها
دى لوحدها معجزة
كمل كمل
وفى صباح اليوم الثالث سقط البطرك القديس على الأرض من تعبه وحزن قلبه وصيامه الشديد وغفى غفوه قصيرة فرأى السيدة العذراء الطاهرة مارت مريم وهى تقول له بوجه فرح : " ما الذى أصابك " .. فقال لها : " أنظرى حزنى يا سيدتى فإن ملك هذه الأرض هددنى قائلاً إن لم تفعل آية ومعجزة وتنقل جبل سأقتل جميع النصارى فى مصر وأبيدهم من خلافتى جميعاً بحد السيف "
قالتلى وهو ملك هذه الأرض يعنى المعز طلب منه ينقل الجبل ده قال أنا أريد أن تحضر لى واحد منهم تظهر هذه الأيه على يديه
بس خلى بالك هنا من الهجس رغم إن البابا قال للعدرا ملك هذه الأرض هددنى وطلب منى أنقل جبل وماجابش سيرة إنه قال أريد أن تحضر لى واحد إلخ إلخ
شوف هى قالتله إيه
كمل كمل
فقالت له السيدة العذراء :" لا تخاف فإنى نظرت إلى دموعك التى ذرفتها وسكبتها فى كنيستى هذه , قم الآن وأترك المكان وأخرج من باب درب الحديد الذى يؤدى إلى السوق الكبير وفيما أنت خارج ستجد إنسان على كتفه جرة مملوءه ماء
قالتلى عندك إستنى هنا
قلتلها روحى بقت فى ناخيرى ياباتعة
قالتلى خد بالك من الكلام كويس
العدرا قالت إيه
قالت وفيما أنت خارج ستجد إنسان على كتفه جرة مملوءة ماء وخلى بالك من الجرة دى كويس
لأن كلمة الجرة دى مسروقة من الانجيل
22: 10 فقال لهما اذا دخلتما المدينة يستقبلكما انسان حامل جرة ماء اتبعاه الى البيت حيث يدخل
كمل ياحاحا
وستعرفة من علامته أنه بعين واحدة فإمسكه فهو الذى سوف تظهر عليه العلامه على يديه " فإستيقظ البطريرك فى الحال وهو مرتعب وكان جالساً على الأرض فنهض بسرعة ولم يدع أحد يعلم بإستيقاظه وخروجه وذهب فى الطريق الذى ذكرته السيدة العذراء حتى وصل إلى الباب فوجده مغلقاً فشك فى قلبه وقال : " اظن أن الشيطان لعب بى " ثم دعا البواب ففتح له فأول من دخل من الباب كان هو الرجل الذى ذكرت علامته السيدة العذراء له فمسكه وقال له بمطاونه وظل يربطه بعلامة الصليب قائلاً : " من جهه الرب , إرحم هذا الشعب ثم أخبره ما حدث فى إجتماعهم بالكنيسة المعلقه "
فقال له الرجل : " إغفر لى يا أبى فإنى إنسان خاطئ مخطوطة بدير الأنبا أنطونيوس ولم أبلغ هذا الحد ( يقصد من القداسة ) "
قالتلى فين المخطوطة دى إللي بيقول عليها وليه ما حطش صورتها ؟
كمل كمل
وعندما قال له ذلك اخبره البطريرك بما قالته السيدة العذراء مريم عند ظهورها له ثم قال له ما صناعتك وعملك فأراد أن يخفى أمره ولا يرد على السؤال فجعل عليه الصليب وربطه بالحروم بألا يخفى شيئاً ويحكى له قصة حياته وألا يكتم شئ – فقال : " أنا رجل دباغ (10) ومن الألقاب الأخرى التى أطلقت عليه سمعان الخراز (10) وهذه عينى التى تراها أنا قلعتها من أجل وصية الرب فعندما نظرت لما ليس لى فى شهوة ورأيت إنى ماضى إلى الجحيم بسببها (11) ففكرت وقلت الأصلح لى أن أمضى من هذه الحياة بعين واحدة إلى المسيح خير من أمضى إلى الجحيم بعينين وأنا فى هذا المكان أعمل أجيراً لرجل دباغ
قالتلى إستنى هنا ياحاحا
قلتلها خير ؟
قالتلى إحنا قلنا قبل كدة لما واحد بيبص لحاجة بيبص بعينيه الإتنين إلآ إذا كان أعور فحيبص بعين واحدة
وبعدين خلى بالك إنه بيقول إنه بيعمل أجير لرجل دباغ
عارف دباغ يعنى إيه يعنى بيدبغ الجلود فقط بيحط الجلود الخام فى براميل بها ألوان أسود بنى أبيض بنى محروق
قلتلها إنت حرقتى دمى
قالتلى ولسه
يعنى شغلانة الدباغة ملهاش علاقة بالإسكافى خالص
إنت عارف الأول الإسكافى شغلته إيه ؟
شغلته إنه بيفصل الُصرم على أد الزبون أو يرقع له صرمة مقطوعة
أظنك فهمت أنا قصدى إيه
كمل كمل
وفى كل يوم آكل خبزاً قليلاً وبباقى أجرتى أتصدق للفقراء والمساكين نساء ورجال (12).. حتى هذا الماء الذى أحمله - أحمله لهم كل يوم قبل أن أمضى إلى شغلى وعملى وهم قوم فقراء ليست لهم قدرة على شراء الماء من السقا وأقوم فى مثل هذه الساعة المبكرة من كل صباح لأملأ جرتى ماء وأوزعها على الكهول والمرضى الذين أقعدتهم الشيخوخة أو المرض عن القدرة على إستجلاب الماء لأنفسهم ,
قالتلى خلى بالك إنه قال بيملا جرته ماء كل صباح ويوزعها على الكهول والمرضى
أنت عارف الأول الجرة دى عبارة عن إيه ؟
عبارة عن حاجة زى الزلعة إللي بيشيلوها الفلاحين ويملوا بها الزير ومصنوعة من الفخار
طيب الجرة دى إللي بيملاها كل صباح حتكفى الكهول ولا المرضى وحتكفى كام واحد فى رأيك ؟
كمل ياحاحا كمل
ولما أنتهى من خدمتى هذه أعيد قربتى إلى البيت
قالتلى عندك إستنى هنا
قلتلها مانا كنت لسه واقف دلوقت
قالتلى كنت واقف عند الجرة دلوقت بيقول قربتى
إنت الأول عارف القربة دى تطلع إيه ؟
قلتلها تطلع زى ما تطلع ده إنتِ طلعتى روحى
قالتلى لا ياحلو
القربة مصنوعة من الجلد وبتتشال على الضهر
غير الجرة إللي بتتشال على الراس أو الكتف لو كانت مربوطة مع جرة تانية فى عصا يعنى كل جرة فى طرف من العصا
كمل كمل
وأذهب إلى عملى (13)– وباقى النهار أعمل دباغاً فى المدبغة
قالتلى عال جداً لحد دلوقت ماجابش سيرة الإسكافى
كمل ياحوحو
وليلى قائم أصلى (14) وهذه هى حياتى
قالتلى يعنى معندوش وقت ينام خالص
سقا يفوت بقربة المياعلى الكهول والمرضى يعطيهم الميا وبعدين يروح البيت يودى القربة وبعدين يروح المدبغة وبعد ما يجى من المدبغة يقعد يصلى طول الليل
كمل يا حاحا
إنت إللي جبته لنفسك
يتبع بمشيئة الرحمن