إيه الإنقلاب إللى حصل فى المنتدى ده

[الريحانة]

بسم الله الرحمن الرحيم
************************
أنا مش قادرة أكتب ولا كلمة من كثرة الضحك....
..
إيه إللى حصل فى المنتدى ده كله..
..
الحكاية أبسط من كده بكتير..الحكاية إنى كنت بعزل فى شقة جديدة وخط التليفون إتسحب من الشقة القديمة علشان نركب التليفون بنفس النمرة فى الشقة الجديدة والحكاية إن التليفون إتسحبت منه الحرارة من يوم السبت الماضى وبعد ما نقلنا جه واحد ركب وصلة للإنترنت ولسه ماشى من ساعة تقريباً وبعدها فتحت الإنترنت ودخلت على المنتدى ....أقوم ألاقى كل ده ده أنا ضحكت ضحك ..

***
منين جبتوا حكاية إنى زعلانة من المشرفين ومن الأخ العزيز ميرو .. الحكاية إن حرارة التليفون إتسحبت فى نفس اليوم إللى طلبنا فيه نقل التليفون عشان كده كانت مفاجأة مقدرتش أعمل حاجة غير إنى أنتظر إننا ننتقل للشقة الجديدة وبعدين أدخل تانى على المنتدى .
**
هى دى كل الحكاية ولا فى حاجة خالص غير كده .والأخ ميرو مافيش حاجة خالص فى ردى عليك توحى بأنى زعلانة بالعكس ده أنا ضحكت على مداخلتك وحبيت أرد عليها بأسلوب يضحكك .وأنا أساساً معرفش إن فى حاجة إسمها المدرسة الواقعية فى الشعر ..ده غير إنى مش بكتب شعر أصلاً.
****
انا للعلم كنت حاسة إن فيه حاجة نقصانى فى الأسبوع إللى فات وما صدقت وصلة الإنترنت إتركبت ورحت داخلة على المنتدى على طول ..وأشكر لكم هذه الروح الطيبة وربنا يديم علينا هذه الأخوة الصادقة
***

[h7oda_mody]

اختي الريحانه ما اخبار التلفون انا سمعت انه عنده حراره انا عندي دكتور كويس اوي

عالعموم الف مبروك للشقه الجديده والف الف مبروك علي وصله النت اكيد دلوقتي النت اسرع بكتير من التلفون

[الفرس الأسود]

نحمد الله عز وجل على عودة أختنا الكريمة الريحانة
فغيابك علينا يوم واحد ينقص منا الكثير

[عمرو بن العاص]

الحمد لله على عودتك يا اخت ريحانة والذى حدث هذا يوضح مدى أعتزاز الأعضاء بتواجدك بينهم.