[CENTER]إن شاء الله فى صلاة خسوف النهاردة الساعة من اول الساعة و نصف11 مساءا
علماء الفلك أعلنوا الموضوع ده
د/عبد الرحمن الصاوى قال النهاردة فى الدرس
وأنا هشرح شرح بسيط لصلاة الخسوف للى مش عارف
صلاة الخسوف
( وهى تشبه صلاة الكسوف)
أولا
هى صلاة جامعة
يعنى زى صلاة العيد كده .. بتتصلى فى تجمع
وبعد الصلاة يوجد خطبة
ثانيا
هى عبارة عن ركعتين
كل ركعة تتكون من قرآتين وركوعين
عارفة أنك هتقولى يعنى إيه ؟؟؟
أوضحلك
أنت هتكبر
هتقرأ الفاتحة عادى
وبعدين هتقرأ قرآن ( قرآة طويلة .. يعنى صلى بسور كبيرة )
وبعدين هتركع ( الركوع يكون طويل برده )
هترفع من الركوع
( مش هتسجد .. خلى بالك )
هتقرأ الفاتحة تانى
وتقرأ قرآن تانى ( قرآة طويلة برده .. لكن أقصر من القرآة الأولى )
وبعدين تركع ( ركوع طويل )
وترفع من الركوع
وهتسجد بقة
كل اللى قلته ده الركعة الأولى
والركعة التانية هتكون زى الأولى بالظبط
يا رب أكون قدرت أشرح بوضوح
أعمال مستحب فعلها بعد الصلاة والخطبة
1-) الدعاء
2-) اكثار الاستغفار
3-) الصدقة ( ممكن حتى لو مش هينفع تتصدق فى وقتها تطلع فلوس وتنوى أنها لله وتبقى تخرجها فى أى وقت. )
وطبعا استشعار عظمة الله .. واستشعار عظمة يوم القيامة ( لأن من علامات قرب يوم القيامة كثرة حدوث الكسوف والخسوف .. والزلازل كمان .. )
المفضلات