تشوكلت كيك سهله ومش عاوزه فن بس النتيجه رووووووووووووووووووووووووووووووووووعه

[مريم]

بسم الله
السلام عليكم اخواتى حبايبى
جبتلكو طريقتى ف التشوكلت كيك
والله بدون مبالغه بتطلع روعه
وسهله جدا وغير مكلفه
لو جايلك ضيوف فجاه ممكن تعمليها
وف اى عيد ميلاد تغنى عن تورتة الشيكولاته
نبتدي



علبة كيك شوكلاته حلو الشام
ما تجيبيش نوع تانى لانها فيها قطع تشوكلت شيبس وبتطلع اظبط
تجيبيها بس سيبك من اللى مكتوب ع العلبه
هاقولك ازاى تعمليها
تفضيها ف طبق غويط
تزوديها 3 م كبيره نسكويك بودره
تعملى ف النص حفره
تحطى فيها 3 بيضات
نص كوب سمن وتزودى فوقه بسم واحد زيت
2 كوب زبادي
ربع كوب لبن ما تزوديش
تقلبيها بمضرب يدوى تقلبتين كده لغاية المكونات تتجانس
تحطيها ف صينيه وسط قعرها متحرك عمليه جدا على فكره لازم يبقى عندك واحده
تكونى مسخنه الفرن
وقبل ما تدخليها هترشى عليها شوية صوص سري
هو
هو
حوالى ربع كوب عسل اسود
عليه تلت كوب كاكاو غامق خااام من العطار او نسكويك لو بتحبيها مسكره
وحوالى نص كوب ماء مغلى او اكترشويه
تقلبيه
تحطى تلته تقريبا ع الصينيه قبل دخولها الفرن
وبعد ما تطلع تخرميها بسكينه او الخله الطويله الخشب
وتسقيها بباقى الكوبايه
ترشى عليها شيكولاته مبشوره
وتزوقيها بحبات الكريز
تححححححفه
بدون مبالغه والله بيفتكروها جاهزه من تريانون
ومش بتاخد تلت ساعه ف عمايلها
والصوص بيخليها زى ما تكون محشيه كريمة شيكولاته ومسقيه شيكولاته
شكلها بيطلع زى كده بالضبط

[نضال 3]

[gardanyah]

خدوا انتوا الحته دى كلها
وانا ح اكل الباقى
ويسقط الرجيم

[زرقاء مصر]

السلام عليكم ورحمة الله وبركاته ....جزاكى الله خيرا على الوصفة يا مريم شكلها جميل ومكونتها جميلة اكيد طعمها رائع ان شاء الله اعملها......بارك الله فيكى

[ريما عزام]

السلام عليكم ورحمة الله وبركاته
تسلم ايدك على هل الوصفة الرائعة للكيك والله انها تجنن و حجربها ولي عودة
واقلك على سر انا ما كانت تضبط معي الكيكة كتير، لحد ما كنت افتش في النت ولقيت موقع عن الطبخ في كتير وصفات حلى واطباق رئيسية و من كلو :)

205 وصفة كيك
لتقديمها عند الفطورأو العصر أو مع المشروبات
حبيت اني افيدكم زي ما انا استفدت من الموقع ومنكم بردو :)
متشكرة على تقبل مروري حبايبي