أهلا عنيد
أنا عادة مبشاركش فى مناظرات بس مقدرتش أمنع نفسى من الرد بعد ما قرأت ردك
بالرغم إن فى حاجات كتيره فى ردك عندى إستعداد لمناقشتها من وجهة نظر علميه( زى مثلا إسلوب النقد التاريخى لأى مخطوط و تطبيقه على الكتاب المقدس ) لكن بما إنك أثارت أكثر المواضيع إثاره بالنسبة لى فأنا هركز على الموضوع الأول
حضرتك قلت"وسبب آخر نورده هنا أن أسم الله إله الإسلام "
ممكن أعرف ما المقصود بإله الإسلام؟
بمعنى أخر ممكن أعرف ليه المسيحين بيقولون إن شاء الله و الحمد لله
ليه بتستخدموا إسم الله إن كان إسم لإله لا تعبدوه؟!
خلينى أكون أكثر صراحه معك أنا أعترف إن معظم الناس ميعرفوش يعنى إيه الله
أنا أول مره إتسألت يعنى إيه الله (مش من فتره بعيده)؟ كان ردى"إممم إسم ربنا!!!"...بس بعد كده إتعلمت. كانت مفجأه الصراحه
وكنت فى نفس الوقت شديدة الخجل من نفسى إنى معرفش يعنى إيه الله و أنا عربيه
حضرتك قلت"GOD = إله = أفنوتى عندما ترجمت حولت كلمة أفنوتى إلى الله "
أنا معرفش اللغه القبطيه بس إذا كنت صح فى إن أفنوتى = إله= God
يبقى إنت بكل تأكيد صح فى إن أفنوتى لا تعنى الله .عارف ليه؟ لأن إله أو god تعنى أى شيء يعبد. مثلا إذا واحد عبد تمثال فإله يسمى "god" أو إله
لو واحد عبد حجره أو شجره أو أنثى فإله يسمى إلاهه (مؤنث)
لو واحد عبد أشجار أو أحجار فيكون يعبد الهه (جمع) أو gods
الغربين المتحدثين بالغه الإنجليزيه بيقولوا "God" خّلوا حرف ال "g"capital علشان يوضحوا إنهم يقصدوا ربنا مش أى إله تانى ...بس ياترى حيعرفوا إزاى الفرق لو دى كلمه من أول سطر أو كلمه منطوقه و ليست مكتوبه؟!!!
نرجع لكلمة الله
حضرتك قلت " الله تتكون من = الـ (حروف التعريف) + لاه أسم اللات ... "
دعنى أصحح المعلومه و يريت تثبتلى إنى غلط بس مظنش إنك تقدر لإنى حنقللك دلوقتى من كتاب لغه
لفظ الجلاله الله من اللامات الشمسيه التى لا يمكن تجريدها عما بعدها مثل "الّذى"
أصل الكلمه "إله" دخلت عليه "ال" الشمسيه فصار: ال إله ثم حذفت الهمزه للتخفيف ثم أدمغت لام "ال" فى اللام الثانيه فصارت "الله"
بعد ما عرفت أصل الكلمه فى اللغه العربيه خلينى أوضحلك معناها
حاول تجاوب على الأسأله ديه
إجمع كلمة الله. تعرف؟ إستحاله لأنها كلمه لا تجمع
إجعلها مؤنث. تعرف ؟ إستحاله لأنها كلمه لا تؤنث ولا تذكر فى اللغه
فهى تعنى الإله الواحد الذى يتسحيل أن يكون له شريك أو أن يكون مثلنا ذكر أو أنثى. فأصبحت كلمه مميزه لا تجوز أن تتطلق على أى إله غيره هو وحده سبحانه
الله أكبر
المختصر المفيد: إنت كنت صح إن الله لا تعنى إله أو "god" بل هى أكثر من ذلك بكثير
إنت كنت صح إن الله هو إله المسلمين لأننا نعبد الله وحده لا شريك له ليس كمثله شيىء.
ربنا يهدينى و يهديك لما يحبه و يرضاه .أمين
Take care
المفضلات