اسلام اختنا فى الله ريهام ( صور )

**Sharm** · 07-09-2006, 08:45 PM

السلام عليكم و رحمة الله
شوفوا يا جماعة .. انا بجد النهاردة مبسوط جدا ..
مش عشان النهاردة عيد ميلادي !
عشان سمعت خبرين اجمل من بعض ..
اولهم اسلام الحاخام اليهودي فى احدى المستوطنات الاسرائيلية و اللى بيدعوا حاليا للاسلام و ربنا يثبت اسلامه و نقلتلكم خبر اسلامه ..
الخبر الثانى .. اسلام اخت لنا فى الله اسمها ريهام ..
ريهام اسلمت بجد بعد عناء و تفكير طويل اوي و فعلا كانت نفسيتها تعبانة جدا ..
بعد اسلامها مخدتش اي قرارات انها تغير اى حاجة فى حياتها .. الا انها كتبت رسالة شكر لموقع حراس العقيدة .. اليوم ابلغتنى انها تريد تغير بوفايل موقع الهاي فايف .. فاستأذنها بطبع صورة البروفايل قبل تغييره و بعده ..
سبحان الله ان ارادتها تذكرنى بارادة سيدنا عمر بن الخطاب عندما اسلم و اصبح بداخله طالقة لفعل اى شئ فخرج يصف المسلمين فى صفين الى الكعبة الشريفة..

بعد تغييره

نقلت لكم كلماتها من موقع حراس العقيدة
التى لم اكن اعرف حتى اليوم انها تخصها ..

اقتباس

السلام لكم كلكم
اكتب اول كلماتى فى هذا الموقع
اكتب ولا اعرف هل ابكى ام افرح
اكتب بعد دراسة الاسلام و التفكير فيه لمدة 16 شهر
16 شهر مش عارفة انام ولا استريح
مش عارفة اتكلم فى اى موضوع من غير ما افكر فى سؤال واحد
مين الصح .. طب بلاش مين .. هو فين و انا اروحله
عمرى ما ركزت فى كل الاسفار قد الفترة اللى فاتت
عمرى ما فكرت فى كل الايات قد الفترة اللى فاتت
فى الاول قريت كلام موقع اسلامى .. حسيت بالتحدى .. حسيت انهم كدابين غشاشين ..
و انا مش محتاج اتأكد لانى صح .. لان يسوع عرفنى الصح من الغلط ..
مرة .. اتنين .. تلاتة .. بدأت اتأكد بجد
بدأت اقارن بجد ..
بكيت .. بكيت بحرقة .. مش عارف ايه الصح
خايفة اوى .. اوى
سبت التفكير لمدة شهر تقريبا .. مسحت كل عنواين المواقع الاسلامية
قطعت علاقتى بكل جيرانى و صحابي المسلمين
قطعت كل مجلة و كل كتاب فى حاجة ليها علاقة بالاسلام ..
و مستحملتش افضل هربان من كل حاجة ..
رجعت .. كملت قراية ..
كنت اقرا الشبهة الاسلامية و اقرا ردها فى موقع مسيحيى
و اقرا الشبهة المسيحية و ردها فى موقع اسلامى ..
تعبت اوى .. 16 شهر فاتوا كأنهم 16 سنة ..
لحد ما حصلت حالة وفاة لعمى و ساعتها قلت لازم اختار على الاقل هقول للى خلقنى انى دورت عليك و حتى لو غلطت
فى الاختيار .. دورت عليك و حسيت انك فى المكان اللى اخترته ..
و فضلت حاجة واحدة ... اتأكد ان المسيحيين اللى اسلموا .. فعلا اسلموا
او ان المسلمين اللى دخلوا المسيحية .. فعلا دخلوا المسيحية ..
استاذتى فى الجامعة .. من كولمبيا .. مسيحية .. بالصدفة تسألنى
لابسة كده ليه ؟
جاوبتها عادى .. انا مش مسلمة على اى حال
تقولى .. فعلا الاسلام هو الدين الوحيد اللى احترم لحم البنات و اعتبره شئ غالى ميستحقوش الا زوجها ! مخلهاش تمثال من حق كل الرجالة انهم يتمتعوا بيه بمنظره و بملمسه ..
جاوبتها .. بتتكلمى و كأنك مسلمة
تقولى .. انا اسلمت من 3 ايام ..
ارد .. و جوايا خوف .. و احساس انى قربت اوى ...
ليه .. ايه اللى خلاكى تسلمى .. اقرى عن المرأة فى الاسلام .. شوفى اتبهدلت قد ايه .. مش ممكن تكونى صح ..
جارتى الهولندية .. فجأة الاقيها لابسة حجاب ..
اسلمتى ؟ ليه ؟ الاسلام فيه ايه زيادة ؟
فنانى المفضل مايكل جاكسون .. فجأة يسيب الشهرة و الفلوس و يبقى مسلم منعزل فى بلد عالم تالت ..
ليه ؟ الاسلام فيه ايه يخليك تسيب كل اللى انت فيه و تترهبن عشان ربنا ؟
شوية رسومات فى جرنال فى اخر الدنيا .. كل المسلمين يثوروا عليها و يقاطعوا و يدعوا و يصوموا و ينزلوا اغانى دينية .. ليه ؟ بتحبوا محمد كده ليه ؟ و هو حبكم يا مسلمين لمحمد اكتر من حبنا ليسوع اللى بيتعمل عليه صور فاضحة و محدش فينا اتكلم ..
تساؤلات .. كلها حقيقة .. و اروح الكنيسة الاقى الاب بيؤمر كل واحد بيعرف يقرا و يكتب انه يبعت لمجلات و لمواقع الانترنت يقولهم انى مسلم و سبت الاسلام لان المسيحية احسن منه .. ننصر دينا بالكدب يا ابونا .. قد ايه نزلت من نظري ..
و هنا وقفت وقفة مع نفسي و قررت و سألت اخوة مسلمين فى موقع دعوى اسمه ابن مريم .. ازاى ابقى مسلمة .. و كنت قد عرفت كل شئ عن التعاليم الاسلامية الا كيفية التعميد فى الاسلام .. فظهر لي ان الاسلام من بدايته طهارة للروح و انى يكفينى اؤمن بها في قلبي ولا تعميد فى الاسلام .. يااااه .. طهارة الروح النقطة الوحيدة اللى كانت مشككانى هي اخر نقطة بانتلى فى الاسلام .. كفاية بس ان نيتى تبقى صافية .. مفيش شيخ ؟ مفيش وسيط بينى و بين ربنا ..
و ها انا ذا .. اكمل اسبوعى الاول فى الاسلام .. سرا .. حتى استطيع اعلانه ..
اخى ايضا .. ربما يكون هو الاخر فى الطريق .. حب الاسلام و بدأ يسألنى لدرجة انى شكيت انه اسلم و خايف يقولى ..
يا ريت تدعولى .. و تدعوله .. و تدعوا لمئات غيرى من اللى اسلموا و خايفين يعلنوا اسلامهم و اللى اسلموا و ربنا وحده اللى عالم بحالهم فى دير جميانه .. بين الكلاب و الجلد و التعليق من شعرهم ...
يا ريت تعملوا منظمة او اي حاجة تحمونا بيها .. يا ريت تأثروا على الحكومة .. متسلمناش للاديرة زى ما عملوا فى دكتورة وفاء قسطنطين ...
و كلمة اخيرة .. مش ليكم يا اخواتى يا مسلمين .. ليكم كمان يا اخواتى يا مسيحيين .. صدقونى محدش بيخرج من الاسلام و بيروح للمسيحية .. الا فى حالة واحدة .. اذا كان مسلما بالاسم فقط .. و ميعرفش حاجة عن الاسلام غير اسمه ...
و كل اللى انتم بتشفوهم دول فعلا كدابين و بيغشوكم .. لان الاتفاق على الحاجات دى كانت بتحصل قدامى ..
مفيش واحد ربه بيبقى قهار قوي و قادر على كل شئ و يقول للشئ كن فيكون و يرضى برب ضعيف لعن نفسه يموت و يتألم و يتعب من الخلق ..
مفيش واحد يبقى له قران واحد بس و يروح لدين فيه كذا نسخة لنفس اسم الكتاب المقدس بس مش نفس الكتاب المقدس و كمان اسم الكتاب مش موجود اصلا فى نصوص الكتاب ...
مفيش واحد يبقى دينه مبنى على القوة و يرضى بدين الضعف ...
و هقولكم اخر كلمة .. اعرفوا الاسلام من الجوامع مش من الكنايس ..
اشهد ان لا اله الا الله و اشهد ان سيدنا محمدا عبد الله و رسوله و اشهد ان سيدنا عيسى ابن مريم العذراء عبد الله و رسوله ...

ريهام امنت بالله بعد قراءتها القران كاملا و اقتناعها الشديد بكل كلمة فيه ..
بعد بحثها فى كل معجزة تخصه ..
بعد محاولة تأليف كلام مثله .. لم تقتنع ان ما كتبته مثل القران .. فحاولت تقليده فوجدت نفسها تاتى بايات من القران نفسه .. عجزت
عدم احترامها لبعض القساوسة امثال نجيب بشارة و زكريا بطرس اثر فيها بعد ما اكتشفت بنفسها كذبهم و افرائاتهم و تحريفاتهم لعقيدة الاسلام حتى لا تصل للمسيحيين كما هى ..
بعد تعمقها اكثر و محاصرة نفسها بكل شئ صائب و خاطئ فوجئت انها فعلا على خطأ و اتخذت قرارها ..
تريد ان تبقى اسلامها سرا .. حتى تكون واعية بكل ما قد يقوله لها القساوسة عند اسنابتها فلا يخدعوها كما يفعلون دائما ..
الحمد لله الذى هدانا و هداها و ما كنا لنهتدي الا بكرم الله و رحمته

الحمد لله الذي يثبتنا يوما بعد يوم بايمان اخوة لنا فى الله

**mohmed_e** · 07-09-2006, 11:38 PM

سلمت الايادي اخي الكريم وان شاء الله تسمعنا المزيد

**السيف البتار** · 08-09-2006, 12:05 AM

جزاك الله خيراً على هذه الأخبار الجميلة التي تسعدنا وتشرح صدورنا .

**الأندلسى** · 08-09-2006, 01:13 AM

بارك الله في جميع الأخوة ... ونسأل الله أن يثبت الأخت ريهام .... ولا عزاء للنصارى الذين استخدموا كل الطرق المشروعة والغيرمشروعة بل والحقيرة ( الهجوم على جميع منتديات الدعوة إلى دين الله.. ابن مريم / حراس العقيدة/ فخور كونى مسلم) لأجل أن يمنعوا ظهور نور الحق....

{يُرِيدُونَ أَن يُطْفِؤُواْ نُورَ اللّهِ بِأَفْوَاهِهِمْ وَيَأْبَى اللّهُ إِلاَّ أَن يُتِمَّ نُورَهُ وَلَوْ كَرِهَ الْكَافِرُونَ }

**Sharm** · 08-09-2006, 03:03 AM

على فكرة يا جماعة الاخت ريهام بنت يشيد لها كل من يعرفها باسلوبها المحترم فى التعامل و تحكيم العقل فى كل الامور و هى طالبة بكلية الطب ربنا يوفقها و تتخرج ان شاء الله بس هى متضايقة جدا لخوفها فتح مواقع اسلامية فى بيتها و لعد قدرتها لبس حجاب او انتظامها فى الصلاة و الصوم .. بجد صعبان عليا حرمانها من اجمل شهور السنة .. رمضان اللى احنا مستنيينه بلهفه هى كمان مستنياه بس متقدرش تعمل حاجة ..
اسأل الله ان يجازيها بنواياها ..

**mostafa0007** · 08-09-2006, 03:33 AM

اللهم ثبتها على دينك
اللهم اهدى لها أخاها واجعلها سندا لها

**ronya** · 08-09-2006, 06:05 AM

اقتباس

المشاركة الأصلية كتبت بواسطة Sharm

على فكرة يا جماعة الاخت ريهام بنت يشيد لها كل من يعرفها باسلوبها المحترم فى التعامل و تحكيم العقل فى كل الامور و هى طالبة بكلية الطب ربنا يوفقها و تتخرج ان شاء الله بس هى متضايقة جدا لخوفها فتح مواقع اسلامية فى بيتها و لعد قدرتها لبس حجاب او انتظامها فى الصلاة و الصوم .. بجد صعبان عليا حرمانها من اجمل شهور السنة .. رمضان اللى احنا مستنيينه بلهفه هى كمان مستنياه بس متقدرش تعمل حاجة ..
اسأل الله ان يجازيها بنواياها ..

الله اكبر ولله الحمد
لقد فرحت لها من كل قلبي
اللهم ثبتها على دين الاسلام
لا تنسي إخوانك من الدعاء لهم
لقد ولدتي من جديد الله سبحانه وتعالى غفر لكي كل ذنوبكي
لا تخافي يا اخت ريهام من إشهار إسلامك لا تخلي حلاوة الصلاة والصوم ان تفوتك إسمعي كلام الله سبحانه وتعالى
لا يصيبة إلا ما كتب الله لنا صدق الله العظيم
إن كنتي تخليتي عن المسيح والإنجيل بلا خوف فلماذا تخافي من البشر
أنصحك ان تشاهدي فيلم قصة حياة رابعة العدوية
سوف تستفيدي كثيرا منها والله ولي التوفيق
جزاك الله كل الخير اخي sharm

**muslim1979** · 08-09-2006, 08:46 AM

قصة أبكتني لأنها من القلب

**mahergwad** · 09-09-2006, 03:21 PM

ربنا يثبت الاخت ريهام على دين الحق ويثبتنا

**اسد الصحراء** · 09-09-2006, 10:26 PM

مـواقـع شـقــيـقـة
شبكة الفرقان الإسلامية	شبكة سبيل الإسلام	شبكة كلمة سواء الدعوية	منتديات حراس العقيدة
البشارة الإسلامية	منتديات طريق الإيمان	منتدى التوحيد	مكتبة المهتدون
موقع الشيخ احمد ديدات	تليفزيون الحقيقة	شبكة برسوميات	شبكة المسيح كلمة الله
غرفة الحوار الإسلامي المسيحي	مكافح الشبهات	شبكة الحقيقة الإسلامية	موقع بشارة المسيح
شبكة البهائية فى الميزان	شبكة الأحمدية فى الميزان	مركز براهين	شبكة ضد الإلحاد